Ilustrasi. Foto: atjehliterature.blogspot.com

Hudep dalam donya nyoe meubagoe-bagoe tarasa

Kadang roe ie mata peudeh lam hate

Kadang jeut teusinyom sira takhem

Hudep lam bumoe nyoe meugantoe-gantoe hai

Hana sama hai sabe-sabe

Dang na seunang bek meuleubeh-leubeh

Bek ta khem meukhak-khak

Bek tuwoe droe

Watee na hareuta bek tuwoe zakeut deungon seudekah

Watee na jabatan beu na amanah sajan

Watee seunang beuteingat keu hamba Allah nyang laen

Beuna taingat raseuki tanyoe Allah nyang brie

Watee lahee tanyoe hana taba sapeu

Meunan keuh watee tanyoe tajak riwang teuma

Watee na sehat badan beu le ta pubuet ibadah

Peugadoh mbong dalam badan

Kareuna nyan sifeut kon keu geutanyo

Tapujoe Allah uroe deungon malam

Watee bagah that meugisa

Beu le ta ingat keu Allah ta’ala

Han jan tarasa kajeut tajak gisa

Tawoe teuma bak Allah nyang po geutanyoe

TERJEMAHAN

HIDUP INI

Hidup dalam dunia ini bermacam-macam kita rasakan

Kadang air mata tumpah pedih dalam hati

Kadang kita dapat tersenyum sambil tertawa

Hidup dalam bumi berganti-ganti peristiwa

Tiada selalu sama peristiwa yang terjadi

Sedang senang jangan berlebih-lebihan

Jangan tertawa terkikik-kikik

Jangan lupa diri

Waktu memiliki harta jangan lupa zakat dan sedekah

Waktu memiliki jabatan harus disertai dengan amanah

Waktu senang ingatlah kepada hamba Allah yang lain

Harus kita ingat rezeki Allah yang memberikan

Waktu lahir kita tidak membawa apapun

Begitu juga ketika kita pergi selamanya

Waktu sehat badan perbanyak melakukan ibadah

Hilangkan kesombongan dalam diri

Karena itu bukan sifat untuk kita

Memuji Allah siang dan malam

Waktu begitu cepat berganti

Banyaklah kita mengingat Allah taala

Tiada terasa sampailah waktu kita

Pulang kembali kepada Allah yang memiliki kita

                                    Balai Bahasa Aceh, Senin, 29 Juli 2019

Baca juga:   Pergi Ke Masjid

Tinggalkan balasan!