Zakir ngon Aisyah ka pre sikula. Awaknyan pre sikula sigoe minggu. Baroe, uroe sabtu, awaknyan bagi rapor. Mak geujak u rumah sikula awaknyan bandua geujak cok rapor. Nilai rapor Zakir ngon Aisyah get that.  Adoe a nyan jeumot bak meuruno. Geupeugah le guru I zakir, jih aneuk jang seumateh, lom pih jeumot. Peu-peu jang geuyu peuget le guru sabe dipeubut. Aisyah pih meunan cit, geupeugah le guru bak rumoh sikula SMP.

Mak geubri hadiah keu awak nyan dua. Uroe nyo, uroe minggu, mak ngon aneuk geuh ban dua, meujak wo bak rumoh nek di gampong. Ayah han jeut geujak sabab hana pre keurija. Aisyah ngon Zakir seunang bukon le, ka trep awaknyan hawa that meujak wo u gampong, eh bak rumoh nek. Rumoh nek di gampong rumoh manyang, rumoh Aceh.

Nek pih seunang that ban geukalon aneuk ngon cuco ka troh u rumoh gobnyan. Aisyah ngon Zakir jiwa laju neukjih meunan troh. Ureungnyan ban peut geuek laju u rumoh. Aisyah galak that bak rumoh Aceh, leupi jipeugah le Aisyah. Zakir  galak that ji ek ek tren bak rinyeun. Mak ngon nek ka geuduk geupeugah haba sira geujep kupi. Mak galak that geujep kupi gampong sabab aneuk kupijih geulheu keudroe leu nek, lheh nyan geutop bak jeungki. Na jeungki ikeu rumoh nek. Aneuk mit nyan dua pih ka gabuk keudroe.

Zakir ngon Aisyah jimeuen diyup moh. Diyup moh nyan gleh that. Aleu jih ka meuseumen. Tip-tip Uroe geusampoh le nek. Hana jitoh ek amnok ngon ek iteuk hinan. Manok ngon itek hanjeut ijak jeunan sabab geurepoh iteuk ngon manok na I likot moh, meupageu manyang. Han jeut jiteubit u lua, han troh jijak u keu.

Aneuk miet  nyan dua jimeuen che diyup moh, jipeuget gareh bak aleu ngon gapu. Zakir ngon Aisyah leupah that seunang, hana pre-pre jimayang, teukhem-teukhem laju.