Aneuk nok jiteubit awai

Lheuh nyan teuma diwo wate asa

Udep lam Donya siat sagai

Beu get tajaga bek rhoh peubut desya

Teutop ngen labang brat mechop-chop

Saket that lom teutop ngen duro

Tarek abah bak kheun geugop

Irot bibi teulah oh dudo

On bhem cit leupah that phet

Tapi nyamok han jipeulet

Bahpih ilme manyang oh langet

Hana adab saban lage cilet-cilet

Menyo saket tajak meuubat

Ubat tajeup bahpih tarasa phet

Bek tapike ilme tanyo ka leupah hibat

Miseu langet, manteng na di ateuh langet

Boh amplam jigeulawa

Rhet jiyup bak kabeh meusiseu

Bek sagai galak bak but dawa

Tapeugah haba mangat na keunelheuh

Bek tasok menyo han let

Bek tapaksa, nyang na beukah teuma

Mandum but jeut tapeuget

nyang bek sipeu, gob hana tanit na

Manyang-manyang gunong Seulawah

Leubeh manyang gunong Himalaya

Peurasaan ureung laen tapike suah

Bek takheun peu-peu nyang hawa

Ija beukah bek tuwo tacop

Bek sampoe beukah meutamah tamah

Malam ngen uroe gabuk kheun keu gob

Hana tingat droe sang-sang ka beutoi raya

Oh no ile panton geutanyo

Laen uro taasombong teuma

Menyo na salah ka deungen cupa

Beurayeuk meuah lon mohon pinta