Asalamualaikum saleuem lôn sapa

Keu rakan dumna ban sigom dônya

Chik, putik, tuha, ka deungon jang muda

Sehat sabe, Allah peulara

Uroe nyoe teuma takisah laen haba

Haba Calitra keu gura-gura

Bak taduek duek tapeugah haba

Bek rhoh narit haba peusuna

Bek rhoh narit tapeugah keu gop

Raya that desya tapeusakét haté gop

langkah deungon lidah tapeulara

Bak buet desya bèk rhoh tameucuca

Peulara lidah yoh goh binasa

Peulara langkah bèk rhoh lam bahya

Wasit ureueng chik beu get tajaga

Wasit ureueng tuha bèk sagai lupa

Meubalék thon ka deungon masa

Meutuka tuka meubagoe cara

Jitipèe meunoe jipeungeut meudeh

Ingat syedara bèk sagai lena

Tadeungo jang jeut tadeungo

Tapatéh jang jeut tapatéh

Bèk sampoe meusuruk lam uruk raya

Bak sagoe bintéh meukuwin sidroe

Bak Allah sabe talakèe doa

Uroe ngon malam sabe lam dada

Bek rhoh talangkah bak buet sia-sia

Bek rhoh tapubuet jang larang agama

Tapubuet jang suroh agama

Tapeujioh bak buet teugah

Beu teugeh-teugeh ta ayôn langkah

Seulamat tanyoe akherat dônya

Mumada oh no haba geutanyoe

Laén jan taulang teuma

Sabe geutanyoe Allah peulara

nibak buet desya lam dônya fana